Gure txikiak zientzialari txiki bihurtu ditzagun, horretarako, gure tresnen nondik norakoa jakitea ezinbesteko bihurtuko zaigu eta hori dela eta, gaurkoan Scratch-i buruz hitz egingo dizuegu. Scratch 2002an agertu zen Lifelong Kindergarten Taldearen eskutik, beste hainbat plataformekin batera. Baliabide hau, hainbat zientzialari ezberdinen sorkuntza izan zen eta zientziari nolabaiteko aplikazio informatikoa eskegi nahi izan zioten. Honen bidez, haurren programaziorako lehenengo lengoaia sortuz.
2007an argitaratu zuten teknologiako plataforma eta hortaz geroztik, 20 milioi haur eta gazte baino gehiago batu zaizkio, jadanik, 22 milioi proiektu baino gehiago sortuz eta partekatuz. Baliabide hau partekatzearen ondorioz eta denon eskura egotearen ondorioz, hainbat perspektiba ezberdinetatik ikus ditzakegu joko zein musika ezberdinak. Ezinbestekoa da kultura ezberdinak aintzakotzat hartzea eta denon errespetua bermatzea eta horretarako baliagarria izan daiteke tresna hau.
Proiektu hau martxan jartzeko eta nolabait, haurrentzat etiko zein ikaskuntzarako bide aberats izan dadin, lengoaia bisuala zuen programazioa sortu zuten, nolabait, LEGO estiloa jarraituz blokeak erabiliz.
Baliabide honekin, jokoak, animazioak, notak zein beste hainbat musika produkzio sor daitezke, gure etxeko txikienek beraien irudimena abian jar dezaten modu ordenatu batean. Programa honi hiru erabilera eman diezazkiokegu: “Programa, Jolastu eta Sortu”. Scratch-ek ikaskuntza autonomoa errazten du, ezagutzaren ateak irekitzen ditu programazioaren mundu baterantz. Aplikazioa hain erraza denez, interfaze grafiko deigarria eta sinplea izateaz gain, haurrek, gazteek eta helduek erabiltzea ahalbidetzen du.
Tresna honen bitartez, eta honek sortu duen elkarlanaren bitartez, beste edozein herrialdeetako haurrek sortzen dituzten proiektuak ikus zein partekatu ditzakete, kultura aniztasuna nolabait sustatuz eta bermatuz. Online komunitate handi bat sortu da eta etxeko gaztetxoenak komunitate horren parte dira jadanik, honen parte aktibo direlarik.
Egoera hau aintzakotzat hartuta, baliabideen erabilera egokia izatea bermatzea ezinbestekoa izango zaigu eta gaztetxoenak ere, modu seguru batean beraien hezkuntza garatzeko aukera izatea ezinbestekoa izango da. Hau da zehazki, baliabide honek dituen onurak edota helburuak.
Ikaskuntza prozesu batean murgiltzen gara etengabe eta honek, akats txikiak sortzeak dakar. Kasu, tresna honek ikaskuntza prozesua du oinarritzat eta horrek, akatsak egiterakoan logikoki pentsatzeko beharra sustatzen du, modu bisual batean. Horrela, zeharkako prozesu batean murgiltzen gara eta gure egunerokotasunean suerta dakizkiguken arazoak konpontzeko giltzak eskuratzen ditugu.
“Gaur egun esaten da haurrak natibo digitalak direla, baina hori egia al da? Jakina, bai; hala ere, mundu digital berri honetan behar bezala moldatzen irakatsi behar diegu. Argi dago erraz erabiltzen dutela esku artean duten edozein gailu, baina zailtasun gehiago dituzte sortzeko orduan. Irakurtzen irakatsiko bagenie bezala da, baina ez idazten. Scratch-ekin, haurrek multimedia-elementu ugari integratuz eta kudeatuz sortzen ikasten dute; horrela, esperientzia irabazten duten heinean, inguruko teknologia eta komunikabideekiko harkor eta kritikoago bihurtzen dira. “
Ikasle askorentzat, Webgunea nabigatzeko, klik ugari egiteko eta txateatzeko tokia da funtsean. Scratch-ekin, ikasleak komunikabideen kontsumitzaile izatetik hedabideen ekoizle izatera igarotzen dira, beren istorio interaktiboak, jokoak eta animazioak sortuz, gero sarean partekatzen dituztenak.