GOAZEN TEKNOLOGIA KANPAMENDUETARA!!
Kanpamendu zaleak gara! Udan izan, Gabonetan ala Aste Santuan! Bizitzan behin gutxienez probatu beharreko aparteko esperientzia da. Antzeko gustu eta interesak dituen jendea ezgautzeko, egoera berrietan jarduteko eta zeure kabuz erlazionatzen ikasteko aukera paregabea eskaintzen dizute kanpamenduek. Baita joku eta eskulan berriak ezagutzekoa ere, eta GaurkoTek kanpamenduetan, gainera, robotikaren, bideojoku-sorkuntzaren, argazki- eta bideo-edizioaren, 3D inprimatzearen, drone pilotaketaren… inguruan ikastekoa.
Txikitatik denetariko kanpamenduetan izandakoak gara: egun bakarrekoetan, aste osokoetan, kirolezkoetan, mendi alorrekoetan, ingelesez ikastekoetan… Aurrerago monitore, zuzendari eta antolatzaile lanetan ibili gara. Kanpamendua luzaro gogoan izango duzun esperientzia aparta izan dadin zer egin badakigu.
Kanpamendu bakoitzean bi talde handi osatzen ditugu: bata, GaurkoTek-en berezkoa, teknologiarekin lotutako hainbat ekintzatan oinarritutakoa; bestea, kirol eta gorputz-hezkuntzarekin lotura estuagoa duena. Gustu guztiera egokitzen den aukera sorta eskaintzen dugu oreka izan dadin. Ekintza teknologikoak esklusiboki GaurkoTek-en berezko kanpamenduan burutuko ditugu.
UDALEKU IREKI TEKNOLOGIKOAK
Udaleku irekiak aukera aparta dira kanpamenduen munduan eta robotikaren, bideojoku-sorkuntzaren eta, orokorrean, tailer teknologikoen munduan hasteko. Haurren adin eta esperientzia mailara egokitutako ekintzak burutzen ditugu.
Adina: 6 eta 10 urte bitartean
Ordutegia: 9:30 – 13:30
Txandak
2021 urterako txanda eta prezioak finkatzeke daude oraindik. Informazioa jasotzen lehena izan nahi baduzu, idatzi konpromezu gabe.
Zerbitzu osagarriak:
- Jantokia: 14:30ak arte
- Ludoteka 1. aukera: 8:30etatik aurrera
- Ludoteka 2. aukera: 15:00ak arte
ASTE OSOKO UDALEKUAK
Gogokoen ditugun kanpamenduak hauek dira, zalantzarik gabe hoberen hauetan pasatzen baitute, eta baita gehien ikasi ere. Aste osoko kanpamenduek iraupena eta kokapena direla eta tailer normaletan egitea ezinezko izaten diren ekintzak burutzeko aukera ematen digute: hainbat egunetan zehar garatu beharreko proiektuak, talde handietan lan egitea, talde ezberdinen arteko koordinaketa, jolas-mahai handiagoak erabiltzea, txapelketa txikiak antolatzea… Ekintza teknologikoetarako aldez aurreko esperientziarik ez da behar, adin eta ezagupen mailaren arabera taldeak sortuko ditugu eta.
Izena emanda dauden guztiei e-mail bidez informazio gehigarri guztia iristaraziko diegu: autobusaren irteera eta iristera-orduak eta geltokiaren kokapena, eramatea gomendatzen dugun gauzen zerrenda, etab.
Adina: 8eta 14 urte bitartean
Hizkuntza: Euskera
Txandak
2021 urterako txanda eta prezioak finkatzeke daude oraindik. Informazioa jasotzen lehena izan nahi baduzu, idatzi konpromezu gabe.
Beste hainbat datu garrantzitsu:
- Prezioan, Donostiatik joan eta etorria barne da.
- Mantenua osoa da (3 otordu + askaria + ostatua)
- Plaza kopuru mugatua dugu.
- Talde txikietan egingo dugu lan.
- Plazak ez ditugu zozketa bidez egokituko, baizik eta izen-emate osoen ordenaren arabera.
- Prezioan, beharrezko material guztia barne bada ere, nahi duenak bere ordenagailua ekar dezake (ekintza teknologikoetatik kanpo gorde egingo dugu).
- Telefono mugikorren erabilera baimenduta badago ere, tresnon erabilera mugatu egingo dugu (monitore taldeak gordeko ditu arau orokor gisa).
- Erantzukizun Zibileko Asegurua
- Titulu eta formakuntzadun monitoreak (baita Covid-19aren inguruan ere)
- Opari txiki bat
- Ekintzak burutzeko beharrezko den material guztia
- Amaitu ostean, ekintzen argazkiak, esteka pribatu bidez eskuragarri